உங்க என்ஜாய்மெண்டுக்கு நாங்க கியாரண்டி… மதுரையில் சனி, ஞாயிறு மட்டும் இலவசம்…!!

இதனை அடுத்து இதுவரை இந்த அரங்கம் பொதுப்பணித்துறை கட்டுப்பாட்டில் இருந்த நிலையில் ஆகஸ்ட் 9 தேதி முதல் சுற்றுலாத் துறையிடம் ஒப்படைக்கப்பட்டது. இப்படி ஒப்படைக்கப்பட்டதை தொடர்ந்து அரங்கத்தில் மாவட்டத்தின் சுற்றுலா வருவாயை பெருக்கும்விதமாக சாகச சுற்றுலாக்கள் அறிமுகம் செய்யப்பட உள்ளதாக சுற்றுலாத்துறை அறிவித்தது. அதாவது இளம் தலைமுறையினரை கவரும் விதமாக மலையேற்றம், காத்தாடி விழா, ஏர் பலூன், ஜிப்லைன், சைக்களிங் உள்ளிட்ட பல்வேறு சிறப்பு அம்சங்கள் இடம்பெற உள்ளன. மேலும், தமிழர்களின் பாரம்பரிய கலைகளை பறைசாற்றும்விதமாக, பல்வேறு கலை நிகழ்ச்சிகளும் நடத்தப்படவுள்ளன என்று அறிவிக்கப்பட்டு கடந்த வாரம் ஏர் பலூன் திருவிழாவும் இரண்டு நாட்கள் கோலாகலமாக நடைபெற்றது.

இதனை அடுத்து, அலங்காநல்லூர் ஜல்லிக்கட்டு மைதானத்தில் வருகின்ற பிப்ரவரி 1 முதல் 23ம் தேதி வரை உள்ள சனி, ஞாயிறுகளில் மாபெரும் கலை நிகழ்ச்சிகள் நடைபெற இருக்கின்றது. அதாவது முதல் கட்டமாக அடுத்த மாதத்தில் வரும் சனி, ஞாயிறுகளில் மாலை 4 மணி முதல் இரவு 8 மணி வரை பரதநாட்டியம், கிராமிய பல்சுவை நிகழ்ச்சி, இசைக் கச்சேரி போன்ற பலவிதமான நிகழ்ச்சிகள் இரவு நேரத்தில் மின்னொளி வெளிச்சத்துடன் கோலாவலமாக நடைபெற இருப்பதாக சுற்றுலாத்துறை சார்பில் அறிவிக்கப்பட்டுள்ளது. இதில் குறிப்பாக, வருகின்ற பிப்ரவரி 11 தைப்பூசத்தை முன்னிட்டு இரவு நேரத்தில் மாபெரும் இசை கச்சேரி நடைபெற இருப்பதால் மதுரை மக்கள் அனைவரும் இந்த நிகழ்ச்சியில் கலந்து கொள்ள வேண்டும் என்று சுற்றுலாத்துறை சார்பில் தெரிவிக்கப்பட்டுள்ளது.

உங்கள் ஊர் செய்திகளை வீடியோவாக பெற கிளிக் செய்க