TNPSC Group IV Exam Results: 4662 குரூப் 4 பணியிடங்கள்… வெளியான ரிசல்ட்… செக் செய்வது எப்படி? | வேலைவாய்ப்பு

இத்தேர்வுக்கு மட்டும் சுமார் 13 லட்சத்து 89 ஆயிரம் பேர் விண்ணப்பித்திருந்த நிலையில், 11 லட்சத்து 48 ஆயிரம் பேர் தேர்வு எழுதினர். அதாவது. ஒரு பதவிக்கு சுமார் 287 பேர் போட்டி போடுகின்றனர்.

2013-ஆம் ஆண்டுக்கு பிந்தைய பத்தாண்டுகளில் இதுவரை 7 முறை குரூப் 4 தேர்வுகளை அரசுப் பணியாளர் தேர்வாணையம் நடத்தியிருக்கிறது. அவற்றில் 2023ம் ஆண்டு நடத்தப்பட்ட தேர்வு தவிர மீதமுள்ள 5 தேர்வுகளில் 3 தேர்வுகளின் முடிவுகள் 5 மாதங்களுக்குள்ளாகவும், 3 தேர்வுகளின் முடிவுகள் 3 மாதங்களுக்குள்ளாகவும் வெளியிடப்பட்டிருக்கின்றன. 2023ம் ஆண்டு 7,301 பேரை தேர்வு செய்வதற்கான குரூப் 4 தேர்வு முடிவுகள் வெளியாக ஓராண்டுக்கு மேலானது. இது மிகப்பெரிய சர்ச்சையாக உருவெடுத்தது. இதைத் தொடர்ந்து,கடந்தாண்டு (2024) 8932 பேரை தேர்வு செய்வதற்கான குரூப் 4 தேர்வு முடிவுகள் 3 மாதங்களுக்குள்ளாகவே வெளியானது.

முன்னதாக, செய்தியாளர்களிடம் பேசிய டிஎன்பிஎஸ்சி தலைவர் எஸ்.கே.பிரபாகர், பொறுப்புணர்வு மற்றும் வெளிப்படைத் தன்மையுடன் தேர்வுகளை நடத்தி வருவதாகவும், 3 மாதங்களில் தேர்வு முடிவுகள் வெளியிடப்படும் என்றும் தெரிவித்திருந்தார். தேர்வு முடிவுற்று 3 மாதங்கள் கடந்த நிலையில், குரூப் 4 தேர்வு முடிவுகள் எப்போது வேண்டுமானாலும் வெளியாகலாம் என்று கூறப்படுகிறது. லட்சக்கணக்கான  தேர்வர்களுக்கு  தீபவளாக பரிசாக அக்டோபர் 20ம் தேதிக்கு முன்னதாக கூட வெளியாகுமா என தேர்வர்கள் மத்தியில் எதிர்பார்ப்பு நிலவியது.

அடுத்தது என்ன? குரூப் 4 தேர்வு என்பது ஒற்றை நிலை தேர்வாகும். தேர்வில் பெற்ற மதிப்பெண் அடிப்படையில் தரவரிசை பட்டியல் தயாரிக்கப்படும். தரவரிசைப் பட்டியல் அடிப்படையில் காலியிடங்கள் நிரப்பப்படும்.

வெற்றி வாய்ப்பு விகிதம் (Selection Rate) என்பது சற்றேர்குறைய ≈0.35% ஆகும். அதாவது, 1,000 பேரில் குறைந்தது 3.5 பேர் மட்டும் தான் தேர்வு செய்யப்பட உள்ளனர். தமிழ்நாடு அரசுத் துறைகளில் லட்சக்கணக்கான பணியிடங்கள் காலியாக உள்ள நிலையில், வெறும் 4662 பேரை மட்டும் தேர்வு செய்ய குரூப் 4 தேர்வு அறிவிப்பை வெளியிடுவதாக என தேர்வர்களும், அரசியல் தலைவர்களும் கண்டனம் தெரிவித்திருந்தனர்.