லைக்கா நிறுவனம் தயாரித்துள்ள விடாமுயற்சி திரைப்படத்தை மகிழ் திருமேனி இயக்கியுள்ளார். இதில் நடிகராக அஜித்தும், நடிகையாக திரிஷாவும் நடித்துள்ளனர்.அதேபோல முன்னணி நடிகர்களான ரெஜினா, அர்ஜுன்,ஆரவ் உள்ளிட்டோரும் நடித்துள்ளனர். இந்தப் படத்திற்கு அனிருத் இசையமைத்துள்ளார்.
இந்நிலையில் நடிகர் அஜித்தின் திரைப்படம் இரண்டு வருட இடைவெளிக்கு பின் இன்று வெளியாகி உள்ளதால் கோவையில் உள்ள திரையரங்குகள் முன்பு ரசிகர்கள் பேனர் வைத்து மலர் தூவியும், மேளதாளத்துடன் பட்டாசுகள் வெடித்தும் ,ஆரவாரத்துடன் கொண்டாடி வருகின்றனர். குறிப்பாக கோவை சித்ரா பகுதியில் உள்ள பிராட்வே சினிமா திரையரங்கில் கடைசியாக அஜித் கார் ரேஸில் கலந்து கொண்ட படத்துடன் கூடிய கேக் வைத்து ரசிகர்களுக்கு சர்ப்ரைஸ் கொடுத்துள்ளனர். இதனை பலரும் வாங்கி செல்கின்றனர்.
அதேபோல தமிழக அரசு காலை 9 மணிக்கு சிறப்பு காட்சிகள் வெளியிட திரையரங்குகளுக்கு அனுமதி வழங்கப்பட்டதால் கோவையில் உள்ள அனைத்து தியேட்டர்களிலும் ரசிகர்களின் கூட்டம் அலைமோதி வருகிறது.